जापानमा ‘हिट एण्ड रन’ केशमा एक नागरिक पक्राउ

टोकियो- जापानमा एक १२ बर्षिय बालकको ज्यान जाने गरि भएको ‘हिट एण्ड रन’ केशमा एक ५३ बर्षिय बेरोजगार नागरिकलाई पक्राउ गरेको छ । घटना जापानको राजधानी टोकियोमा भएको प्रहरीले जनाएको छ ।

प्रहरीका अनुसार घटना दिनको करिव ११:५५ बजे भएको थियो । साईकलमा सवार १२ बर्षिय बालक योता नियोनी राष्ट्रिय राजमार्ग काट्दै गर्दा कारमा सवार ती व्यक्तिले दुर्घटना गराई भागेका थिए । ढाडमा गम्भिर चोट लागेका बालकलाई अस्पताल पुर्याइए लगत्तै मृत घोषित गरिएको थियो ।

घटना लगत्तै साथीको घरमा लुक्न गएका अभियुक्त हिरोसि सिवुयालाई उनकै साथीको समन्वयमा प्रहरी समक्ष प्रस्तुत गरिएको थियो । प्रहरी समक्ष उनले घटना स्विकार गरेका छन् ।

प्रहरीसँग दिएको प्रारम्भिक बयान अनुसार उनी माछा मार्न जादै थिए । बाटामा गाडी चलाउदै गर्दा बालकलाई नदेखेका कारण दुर्घटना भएको पनि उनले बताएका छन् । घटनाबारे थप जानकारी अनुसन्धान पश्चात मात्र थाहा हुने प्रहरीले बताएको छ ।