उत्तर कोरियाली नेता किम सार्बजनिक हुँदा अमेरिकी राष्ट्रपति ट्रम्प खुशी

सोल-गत अप्रिल ११ तारिखबाट कुनै पनि सार्वजनिक कार्यक्रममा उपस्थित नभएका उत्तर कोरियाली तानाशाह किम जोङ उन गत मे १ तारिखमा एउटा सार्वजनिक कार्यक्रममा सार्वजनिक भएका छन् ।

२० दिनसम्म कुनै पनि कार्यक्रममा अनुपस्थित रहेकै कारण कतिपयले उनी गम्भिर विरामी परेको तथा कतिपयले त उनी मृत भइसकेको समेत बताएका थिए । विशवभर तरङ्ग ल्याएको उनको गुप्तवास भङ्ग गर्दै एका एक हसिलो मुद्रामा किम सार्वजनिक भएका छन् ।

यौटा रासायनिक मल उत्पादन गर्ने प्लान्टको उद्घाटन समारोहमा रिवन काट्दै किम २० दिन पश्चात सार्वजनिक भएका हुन् । रिवन काट्ने काम पश्चात उनले प्लान्टको अवलोकन भ्रमण गरेको भिडियो उत्तर कोरियाली सञ्चार माध्यमहरुमा देखाइएको थियो ।

किम सार्वजनिक भए पश्चात सुरुमा प्रतिकृया दिन अस्विकार गरेका अमेरिकी राष्ट्रपति डोनाल्ड ट्रम्पले शनिवार ट्वीटर मार्फत किम जोङ उनको पुनरागमनले आफूलाई खुसी तुल्याएको प्रतिकृया दिएका छन् । उनले भनेका छन्– ‘किमको पुनरागमनले मलाई एकदमै हर्षित तुल्याएको छ र उनी पूर्ण स्वस्थ छन् ।’

किमको पुनरागमन पश्चात अमेरिकि विश्लेषकहरुले निशश्त्रीकरणको मुद्धालाई अगाडी बढाउनु पर्नेमा जोड दिन थालेका छन् ।

अधिकारीहरुका अनुसार उत्तर कोरिया सँग भएका न्युक्लियर हतियारहरुबारे वार्ता गरि उसलाई त्यस्ता हतियारहरुको प्रयोग बाट रोक्न तत्काल पहल गर्नुपर्ने मा अमेरिकी अधिकारीहरुले जोड दिएका छन् ।