कोरियामा आगलागी हुँदा मृत्यु हुनेको संख्या ३८ पुग्यो

सोल- दक्षिण कोरियाको  इन्छनमा भएको आगलागीमा परि मृत्यु हुनेको संख्या ३८ पुगेको छ |

यन्ह्याप समाचार समितिका अनुसार बुधबार एउटा गोदामघरमा आगलागी हुँदा कम्तिमा ३८ जना कामदारको मृत्यु भएको हो |

आगलागी स्थानीय समयानुसार मङ्गलबार राति १ः३२ सो आगलागी शुरु भएको थियो ।

राजधानी सोलबाट करिब ८० किलोमिटर दक्षिणपूर्वमा अवस्थित निर्माण साइटमा रहेको गोदामको बेसमेन्ट फ्लोरबाट सो आगलागी शुरु भएको थियो ।

आगलागी शुरु भएको सो समयमा कम्पनीका ८० जना कामदार भवनभित्र नै रहेका थिए ।

समाचारमा अन्य १० घाइते भएका छन् | घाइते मध्ये ८ जनाको अवस्था गम्भीर रहेको जनाइएको छ |

अझै केहि कामदारहरु बेपत्ता रहेका जनाइएको छ |

समाचार समितिले अग्नि नियन्त्रण विभागका अधिकारीहरुलाई उद्धृत गर्दै गोदामघर निर्माणको क्रममा युरेथन प्रयोग गरिरहेका बेला अप्रत्याशित विस्फोट भई आगलागी भएको जानकारी दिएको छ ।