उत्तर कोरियाली नेता किमले गरे मजदूरलाई सम्मान

सोल- गत अप्रिल ११ बाट सम्पर्कमा नआएका उत्तर कोरियाली  किम जोङ उनले कोरोना संक्रमणको जोखिमका बावजुत आफ्नो ज्यानको परवाह नगरि मुलुकको पर्यटकीय क्षेत्रमा अहोरात्र खटिने उत्तर कोरियाली नागरिकहरुलाई विशेष धन्यवाद दिएका छन् ।

वोनसान प्रान्तको पूर्वीय क्षेत्रमा एक कार्यक्रमका बिच उनले बधाई तथा सम्मान गरेको दक्षिण कोरियाली संचार माध्यमले जनाएका छन् ।

उनले वोनसान काल्मा पर्यटकीय क्षेत्र निर्माणमा महत्वपुर्ण सहयोग पुर्याउने सम्पूर्णलाई विशेष धन्यवाद दिएको उत्तर कोरियाली समाचार संस्था रोडोङ सिनमुनले जनाएको छ । उत्तर कोरीयाली केन्द्रीय समाचार संस्थाले समेत सो समाचार पुस्टी गरेको छ ।

हाल विश्वभरका सञ्चार माध्यमहरुले किम्को स्वास्थ्य खराब रहेको सम्बन्धित विभिन्न समाचारहरु बाहिर ल्याइरहेका बेला दक्षिण कोरियाली सुरक्षा परिषदले भने उनको स्वास्थ्य खतरामा रहेको भनि प्रसारित समाचारको निरन्तर खण्डन गर्दै आएको प्रवक्ता छो हेइले जनाए दोहोर्याएका छन् ।

किम हाल आफ्नो महत्वकांक्षी परियोजना निरिक्षणका लागि सोही परियोजना स्थल वरपर रहेको पनि समाचारमा जनाइएको छ ।

अप्रिल ११ यता सार्वजनिक नभएका कारण कतिपयले उनको मृत्यु भइसकेको अथवा उनी जिवन मरणको संघारमा रहेको भनि समाचार प्रसारण समेत गरेका थिए ।