अमेरिकाका केही राज्य खुल्न थाले, स्वास्थ्य विज्ञहरु भने चिन्तित

एजेन्सी – कोरोनाको संक्रमण नियन्त्रणमा आइनसकेको अवस्थामा पनि अमेरिकाका केही राज्यमा लकडाउन खुकुलो पारिएको छ । त्यस राज्यका बजारहरु खुल्न थालेका छन् ।

अमेरिकको दक्षिणका राज्यहरुमा डिपार्टमेन्ट स्टोर, खुला बजार तथा खुद्रा पलसहरु सोमबारदेखि खुल्न थालेका त्यहाँका संचारमाध्यमले जनाएका छन् ।

साउदी क्यारोलाइनाका गभर्नर हेनरी म्याकमास्टरले सोमबार अपराहन्न लकडाउन केही खुकुलो पार्ने सम्बन्धी कार्यकारी आदेशमा हस्ताक्षर गरेसँगै बजारहरु खुलेको हो ।

यस्तै जर्जियाले पनि लकडाउन केही खुकुलो बनाउने तयारी गरेको छ । आउँदो शुक्रबारदेखि जर्जिया राज्यका बासिन्दा जिममा जान पाउने छन् ।

टेनिसीमा पनि अप्रिल ३० देखि लकडाउन सकिने र अधिकांश क्षेत्र खुला हुने अमेरिकी संचारमाध्यमले जनाएका छन ।

यी राज्यको गतिविधिले अरु राज्यका गभर्नरमा पनि दबाब बढ्दै गएको छ । राष्ट्रपति डोनाल्ड ट्रम्प पनि लकडाउन खुलाउनु पर्ने पक्षमा रहेका छन् ।

स्वास्थ्य विज्ञहरुले भने अहिले नै लकडाउन खुकुलो बनाउने अवस्था नआएको र यसो गरिएमा संक्रमण फैलिन सक्ने चेतावनी दिँदै आएका छन् । लकडाउन खुकुलो पार्नका लागि परीक्षणदर बढाउनु पर्ने उनीहरुको भनाई छ ।

लकडाउन खुलाउनका लागि दैनिक पाँच लाख ८० हजार भन्दा बढीको परीक्षण हुनु पर्ने र संक्रमणदर १२ प्रतिशत भन्दा तल आउनु पर्ने विज्ञहरुको भनाई छ ।