क्यानडामा गोली हानेर १० जनाको हत्या, मर्नेकाे संख्या बढ्न सक्ने

काठमाडौं- क्यानडामा गोली हानेर १० जनाको हत्या भएको छ । क्यानडाको नोवा स्कोटिया भन्ने स्थानमा प्रहरीको पोशाक लगाएका एकजना बन्दुकधारीले गोली हानेर १० जनाको हत्या गरेको विभिन्न संचारमाध्यमले जनाएका छन् ।

प्रहरीको कारबाहीका क्रममा आक्रमणकारी पनि १२ घण्टाको प्रयासपछि मारिएका छन् । घटनामा मारिनेको संख्या अझै बढ्नसक्ने अनुमान गरिएको छ ।

प्रहरीबाट भाग्दै, लुक्दै बन्दुकधारीले आइतबार धेरै स्थानमा गोली हानेर १० जनाको हत्या गरेको बीबीसीले जनाएको छ ।

आक्रमणकारी ५१ वर्षीय गेब्रियल वार्टम्यान रहेको र प्रहरीको जस्तै देखिने गाडी प्रयोग गरेको प्रहरीले जनाएको छ ।