कोरोना भाइरसबारे उत्तेजक अभिव्यक्ति सांसदलाई मुद्धा

नयाँ दिल्ली- भारतमा कोरोना संक्रमण बढेदै गइरहेका बेला मानिसहरु अनावश्यक भ्रमको खेति गरिरहेका छन् । कुनै बर्ग सम्प्रदायलाई लक्षित गरेर उनीहरुले दोषारोपण समेत गरिरहेका छन् ।

हालै भारतको राजस्थान प्रान्तमा विजेपीका एक एमएलए कुनै वर्ग वा सम्प्रदायलाई लक्षित गर्दै कोरोना संक्रमण बारे भ्रामक अभिव्यक्ति दिएका कारण कानुनको फन्दामा परेका छन् । कोरोना भाइरस बारे भ्रम फैलाएको आरोपमा प्रहरीले शनिवार उनी विरुद्ध कानुनी कारवाही थालेको हो ।

राजस्थानस्थित कोता जिल्लाबाट विजेपीका तर्फबाट निर्वाचीत एमएलए मदन दिलावरले जनता वीच अनावश्यक भ्रम फैलाएको अभियोगमा प्रहरीले मुद्धा दर्ता गराएको हो । उनी विरुद्ध महामारी तथा सरुवा रोग नियन्त्रण सम्बन्धी कानुनी दफामा रहेर मुद्धा दर्ता गरिएको त्यहाँ स्थित डि एस पि अमृता दुहानले बताएकी छन् ।

उनी विरुद्ध निश्चित एउटा सम्प्रदायलाई उकासेको, जनतामा भेदभावको भावना सृजना गराएको तथा अनावश्यक विज्ञप्ति तथा भिडियो सन्देश संप्रेशण गरेको तथा अनावश्यक मानिसहरुको जमघट गराई सरकारले भनेको कोरोना भाइरस सम्बन्धि न्युनतम शर्तहरु समेत पालना नगरेको आदी विभिन्न अभियोगहरु लगाइएको छ ।

घटनाको थप अनुसन्धानका लागि सि आइ वि लाई जिम्मेवारी दिइएको पनि डिएसपि अमृता दुहानले बताएकी छन् ।