भारतमा सांसदले धम्कि दिएपछि डाक्टरले गरे आत्महत्या

नयाँ दिल्ली-भारतको राजधानी नयाँ दिल्लीको एक अस्पतालमा कार्यरत ५२ बर्षिय डाक्टरले आत्महत्या गरेका छन् । २ पृष्ठ लामो सुसाइड नोट लेखि आत्महत्या गरेको दिल्ली प्रहरीले जनाएको छ । शनिवार घटेको उक्त घटनामा उनले आम आदमी पार्टीका सांसदलाई दोषी देखाएका छन् ।

सुसाइड नोटमा आम आदमी पार्टीका एमएलए तथा उनका कार्यकर्ताहरुले उनीसँग निरन्तर ठूलो रकम मागिरहेको तथा दिन नमाने पश्चात आफ्नो व्यापारमा नै आक्रामण गर्ने सम्मको धम्की तथा चेतावनी आएका कारण वाध्य भएर आत्महत्या गरेको बताएका छन् ।

दिल्लीको नेव सराई क्षेत्रमा बसोबास गरिरहेका ५२ बर्षिय राजेन्द्र सिंह शनिवार आफ्नै कोठामा झुण्डिरहेको अवस्थामा फेला परेको प्रहरीले जनाएको छ ।

पानी ढुवानी सेवा सञ्चालन गर्दै आएका उनलाई आम आदमी पार्टीका एमएलए प्रकाश जरवाल तथा उनका सहयोगी कपिल नगरले बारम्बार धम्कि दिएका कारण आत्महत्या गर्न वाध्य गराइएको उक्त नोटमा लेखिएको छ ।

उक्त सुसाइड नोटका साथमा उनको व्यक्तिगत डायरी समेत प्रहरीले वरामत गरेको छ जसमा उनलाई एमएलए तथा उनका सहयोगीले दिएका दुःखहरुका बारेमा लेखिएका थिए । डायरीमा उनलाई ज्यान मार्ने धम्की समेत आउने गरेको उल्लेख गरिएको छ ।

प्रहरीले मृतकको शरिर पोष्टमार्टमका लागि अस्पताल पठाएको छ भने आम आदमी पार्टीका एमएलए विरुद्ध मुद्धा समेत दर्ता गराएको छ ।