उत्तर कोरियाले देश निकाला गरेको कुटनीतिज्ञ , दक्षिणमा सांसद निर्वाचित

सोल- दक्षिण कोरियाले हिजो आफ्नो स्रसदीय निर्वाचन सम्पन्न गरेको छ । सो निर्वाचनमा उत्तर कोरियाले देश निकाला गरेका कुटनितिज्ञले एक सिटमा विजय प्राप्त गरेका छन् । उनले दक्षिण कोरियाको स्वाङ्केइस्ट जिल्लाबाट आफ्नो विजय सुनिस्चित गरेका हुन् ।

थे योङ हु उत्तर कोरियाका बेलायतस्थित साहायक राजदुत थिए । उनी उत्तर कोरियाका लागि गोप्य रुपमा रकम जम्मा गर्ने काम गर्दथे । सन् २०१६ बाट उनी दक्षिण कोरियामा बस्दै आएका छन् ।

थेले सोलको ग्याङनमस्थित तीन महत्वपूर्ण स्थानहरु मध्ये एकमा विजय हाँसिल गरेको कोरियाली सञ्चार माध्यमहरुले जनाएका छन् । उनले आफ्ना निकटतम प्रतिद्धन्दीको भन्दा २० प्रतिशत बढी मत प्राप्त गरेका छन् ।

निर्वाचन अघि ‘आफूलाई जनताले के भन्ने हुन् भन्ने भय भएको’ भएता पनि निर्वाचन मार्फत जनताले उत्तरको मान्छेलाई पनि उत्तीकै विश्वास गर्दा आफू एकदम प्रफूल्लित भएको प्रारम्भिक प्रतिकृया दिएका छन् ।

थे उत्तरबाट निस्कासित भएका कारण दक्षिण कोरियाप्रति बफादारी हुने विश्वास ग्याङनम शहरका मानिसहरुले गरेर उनलाई मतदान गरेको जनताले प्रतिकृया दिएका छन् ।

कतिपय जनताले भने उनको विगतको राजनितिक चरित्र मुल्याङ्कन गरेर तथा उनको उत्तर कोरिया रहँदाको राजनीतिक पदका आधारमा उनी माथि विश्वास गर्न सकिएको प्रतिकृया दिएका छन् ।