अमेरिकाभित्रै राष्ट्रपति ट्रम्पकाे आलोचना, चीनले दियो यस्तो चेतावनी

एजेन्सी – विश्व स्वास्थ्य संगठनलाई अमेरिकाले दिँदै आएको आर्थिक सहायता रोक्न अमेरिकी राष्ट्रपति डोनाल्ड ट्रम्पले निर्देशन दिएलगत्तै उनको सर्वत्र आलोचना भैरहेको छ ।

यो निर्णयको अमेरिकाभित्रै पनि आलोचना भैरहेको छ । कोरोना भाइरसविरुद्ध विश्व संघरर्षरत रहेका बेला डब्लुएचओ करिब १५ प्रतिशत हिस्सा ब्यहोरिरहेको देशले सहयोग रोक्न आदेश दिएपछि उनी विवादका घेरामा तानिएका हुन् ।

महामारी व्यवस्थापनमा डब्लुएचओ चुकेको र चीनको पक्षपाती भएको आरोप लगाउँदै ट्रम्पले सहयोग रोक्न निर्देशन दिएको बताएका थिए ।

ट्रम्पको घोषणाको संयुक्त राष्ट्रसंघका महासचिवले समेत विरोध गरिसकेका छन् । चीनले पनि ट्रम्पको निर्देशनको जवाफमा सहयोग रोकेमा अमेरिकालाई नै जोखिम हुने बताएका छन् ।

चिनियाँ विदेश मन्त्रालयका प्रवक्ताले ट्रम्पको घोषणाप्रति चीनको गम्भीर चासो रहेको भन्दै महामारीको अति संकटपूर्ण समयमा यस्तो निर्णय आउनु राम्रो नरहेको बताएका छन् ।

अमेरिकाको सहयोगी रहँदै आएको राष्ट्र जर्मनीले पनि ट्रम्पको निर्णयको विरोध गरेको छ ।

संयुक्त राष्ट्रसंघ र डब्लुएचओलाई थप बलियो बनाउँदै कोरोना भाइरसको परीक्षण किट तथा खोपको विकास र न्यायिक वितरण गरिनुपर्नेमा सहयोग रोक्नु ठीक नहुने जर्मनीले उल्लेख गरेका हो ।

यसअघि डब्लुएचओलाई ठूलो रकम सहयोग गर्दै आएका दाता बिल गेट्सले पनि ट्रम्पको घोषणाको आलोचना गरेकाा छन् ।

अमेरिकाकै सेन्टर फर डिजिज कन्ट्रोलले भने आफ्नो सबैभन्दा महत्वपूर्ण सारथी डब्लुएचओ नै रहेको प्रष्ट गरेको छ ।

युरोपियन युनियन विदेश नीति प्रमुख जोसेप बोरिलले ट्रम्पको निर्णयको आलोचना गर्दै सबैभन्दा बढी डब्लुएचओको आवश्यकता रहेका बेला उसलाई दिँदै आएको सहयोग रोक्नु औचित्यहीन रहेको उल्लेख गर ।