कोरोना प्रभाव – दक्षिण कोरियामा भिसा नियम परिवर्तन, भिसा सकिए पनि अबैधानिक नहुने

सोल-दक्षिण कोरियाले आफ्नो भिसा नितिमा परिमार्जन गरेको छ । हाल विश्वभर फैलिई रहेको कोरोना भाइरस संक्रमणको जोखिमलाई मध्यनजर गर्दै उसले भिसा सकिएका विदेशी नागरिकहरुलाई भिसा म्याद सकिएता पनि कुनै कानुनी कारवाहि नगरिने जनाएको हो ।

आज विहिवार एक सुचना जारी गर्दै दक्षिण कोरियाली सरकारले सो जानकारी दिएको हो ।

कोरियाली न्याय मन्त्रालयका अनुसार हाल कोरियामा करिव ६० हजार जना विदेशीहरु दर्ता भएर बसेका छन् जसको भिसा म्याद आगामी मे महिनाको ३१ तारिखमा सकिदै छ ।

ती भिसा बाहकहरुको हकमा कोरियाली सरकारले थप ३ महिना कोरियामा बस्न पाउने सुविधा उपलब्ध गराउने छ ।

हाल कोरियामा औषतमा २ हजार ५ सय जनाले हरेक दिन भिसाको म्याद थप्न आवेदन दिने गरेको जनाउदै मन्त्रालयले सो कार्य गरिदा बाटोमा ट्राफिक बढ्ने तथा संक्रमणको खतरा समेत बढेने हुँदा सम्पूर्ण विदेशी पर्यटक तथा राहादानी वाहाकहरुलाई नआत्तिई आफ्नो भिसाको म्याद थप्न अनुरोध समेत गरेको छ ।

कोरियन सरकारले गत फेब्रुवरीमा मात्र १ लाख ३० हजार बिदेशीको भिसा नवीकरण गरेको थियो |

अधिकारीहरुका अनुसार कोरियाको ग्रामिण क्षेत्रमा बसोबास गर्नेहरुले न्युनतम २ घण्टा सम्मको यात्रा गरेर नविकरण स्थल सम्म जानु पर्ने हुन्छ ।

सरकारले यस अघि अप्रिल १९ सम्म भिसाको मिति थपेको थियो भने पछिल्लो पटक थप ३ महिनाका लागि भिसा मिति थपेको छ । सरकारले भिसा सम्बन्धि अन्य सम्पूर्ण जानकारीका लागि हटलाइन नम्बर १३४५ मा फोन गरेर जानकारी लिन समेत अनुरोध गरेको छ ।