प्रधानमन्त्री निवासमा राती ११ बजे प्रवेश गर्ने महिला पक्राउ

टोकियो- जापानी प्रधानमन्त्री निवासमा अबैध रुपमा प्रवेश गरेकी एक २६ बर्षीया महिलालाई शनिवार गत शनिबार राती प्रहरीले पक्राउ गरेको छ ।

जापानको फूजी टेलिभिजनले जनाए अनुसार २६ बर्षिया इरी सिमादा नाम गरेकी ती महिला रातको करिव ११ बजे प्रधानमन्त्री निवासको सिभुया वार्डमा प्रवेश गरेको भेटिएपछि प्रहरीले उनलाई पक्राउ गरेको हो ।

निवासमा राखिएको सेन्सरमार्फत उनलाई पक्राउ गरिएको हो । प्रहरीका अनुसार ति महिला माथि निजी सम्पतिमा गैरकानुनी प्रवेश सम्बन्धि कानुन अनुरुप मुद्धा चलाइने छ ।

प्रहरीका अनुसार ती महिला मानसिक रुपमा असन्तुलित रहेको बुझिएको छ । उनको साथबाट प्रहरीले एक थान ग्यासोलिन स्प्रे बरामत गरेको छ भने उनले प्रहरी समक्ष प्रारम्भिक रुपमा घरायसी तनावका कारण शरण लिन त्यहाँ छिरेको बताएकी छन् ।

प्रहरीका अनुसार उनलाई प्रारम्भिक उपचारका लागि मनोपरामर्शदाताकहाँ लगिने छ र त्यस पछि अन्य कानुनी कारवाही अगाडी बढाइने छ ।