जापानमा निर्दोष नर्सलाई १२ बर्ष जेल सजाय

टोकियो- जापानको एक अदालतले एक पूर्व नर्स महिलालाई १२ बर्षको जेल जिवन विताइसके पश्चात निर्दोश ठहर गरेको छ ।

अस्पतालमा उपचाररत एक मानिसको मृत्युमा संलग्न भएको आरोपमा तत्कालिन समयमा दोषी करार गर्दै उनलाई कारावासको सजाय दिएको थियो ।

सोही मुद्धामा पुनरावेदन गर्दै अदालतले १२ बर्ष पश्चात उनलाई निर्दोश सावित गरेको हो ।

एक ७२ बर्षिय मानिसको हत्या आरोपमा पक्राउ परेकी ४० बर्षिया मिका निसियामालाई ओत्सु जिल्ला अदालतले ती बृद्ध मानिसको मृत्युमा उनको कुनै प्रकारको षडयन्त्र नभएको जनाउदै मिकालाई सफाय दिएको हो ।

ती बृद्धको अनियमित मुटुको चाल तथा स्वासप्रस्वास समस्याका कारण मृत्यु भएको बताउदै अस्पतालले मिकाको पक्षमा अन्तिम फैसला सुनाएको हो ।

अदालतले सफाइ दिए सँगै रिहा भएकी उनले संक्षिप्त प्रतिकृया दिँदै ढीलै भएता पनि सत्यको जीत भएको बताएकी छन् ।

उनले आफ्नी ६९ बर्षीया आमा सँगै बसेर आफ्नो रिहाइको खुसीयाली मनाएकि छन् । उनीहरुले सो रिहाइको खुसियाली मनाइरहँदा आमा छोरीका गलाभरी आँशु भरिएको थियो ।

उनलाई जापानको सिघा अस्पतालमा सन् २००५ मा भएको एक विरामीको रहस्यमय मृत्यूको जिम्मेवार ठहर गर्दै तत्कालीन समयमा अदालतले जेल पठाएको थियो ।