टोकियोमा बेमौसमी हिमपात

टोकियो- जापानी मौसम विभागका अनुसार आइतवार जापानको राजधानी टोकीयो तथा आसपासका क्षेत्रमा ब्यापक हिमपात भएको छ ।

विभागका अनुसार हिमपातका कारण स्थानीय जनताहरुको जनजिवन कष्ठकर बनेको छ । बाटो भरी जताततै हिउँ परेका कारण यातायात सञ्चालनमा समेत कठीनाई भएको अधिकारीहरुले बताएका छन् ।

विभागका अनुसार जापानको कान्तो कोशीन क्षेत्रमा एका एक चीसो हावा चलेको थियो र सोही हावाको बाहावका कारण राजधानी टोकीयो, यामानाशी तथा नागानो क्षेत्रमा विहान तापक्रम १ डिग्री भन्दा तल झरेको थियो ।

विभागका अनुसार ती शहरहरुमा हिमपात सोमवार विहान सम्मै जारी रहने छ । विभागका अधिकारीका अनुसार टोकीयो आसपासको क्षेत्रमा करिव २० सेन्टीमीटर सम्म हिउँ पर्ने जापानी मौसम विभागले जनाएको छ ।

हिमपात पश्चात जापानी राजमार्गहरुमा हिउँ पन्छाउने सडक विभागका कर्मचारीहरुको उपस्थिति वाक्लो देख्न सकिन्छ भने विभागले सवारी साधन चलाउदा सावधानी अपनाउन अनुरोध समेत गरेको छ ।