लकडाउनसँगै युरोपका विभिन्न देशमा वायु प्रदूषण कम

एजेन्सी – कोरोना भाइरसको विश्वव्यापी महामारीका कारण युरोपका विभिन्न देशहरु लकडाउन भएसँगै वायु प्रदूर्षणमा पनि कमी आएको छ ।
लकडाउनका कारण अर्थतन्त्रमा नकारात्मक असर परेको भए पनि वातावरणमा भने राम्रो प्रभाव देखिएको हो ।

पछिल्लो तथ्यांकले युरोपमा वायुको गुणस्तरमा सुधार भएसँगै इन्धनको प्रयोगबाट हुने नाइट्रोजन डाइअक्साइडको उत्सर्जन कम भएको देखिएको छ ।

फ्रान्स, स्पेन, पोर्चुगल, नेदरल्याण्डस र बेलायतसहितका देशको वायुको अवस्था विश्लेषण गरिएको हो।

सन् २०१९ को पूरै मार्चको तुलनामा यो वर्षको मार्चको १२ दिनमा वायु प्रदूषण अति कम देखिएको हो।