उत्तर कोरियामा किमले दिए अस्पताल बनाउन निर्देशन

प्योङयाङ्ग-विश्वभर माहामारीका रुपमा फैलिरहेको कोरोना भाइरसका कारण सिङ्गो विश्व आक्रान्त रहेको छ । विश्वका १६५ भन्दा बढी देशहरुमा फैलिसकेको सो संक्रमणबाट आफू हालसम्म सुरक्षित रहेको दावी उत्तर कोेरियाले निरन्तर रुपमा गरिरहेको छ । तर हालै उत्तर कोरियाली सर्वोच्च नेता किम जोङ उनले दिएको सन्देशले भने माहोल फरक भएको हुनसक्ने संकेत गरेको छ ।

हालै उनले एक सन्देश जारी गर्दै कोरोना भाइरससँग लड्न प्योङयाङ्गमा अस्पताल बनाउन निर्देशन दिएका छन् । उनले यो समय देशका लागि अत्यन्तै गम्भिर र चुनौतिपुर्ण समय भएको बताउदै समयमै अस्पताल बनाइसक्न निर्देशन समेत दिएका छन् ।

उनको सो निर्देशन अनुसार अस्पताल आगामी अक्टोवर १० तारिख भित्र बनाइ सक्नुपर्ने छ ।

उनले नेतृत्व गरेको वर्कर्स पार्टीको ७५ औँ बर्षगाँठको अवसरमा उद्घाटन गर्ने गरि सो अस्पताल तयार गर्न तथा उक्त अस्पतालमा चाहिने अत्यावश्यक सामाग्रीहरुको व्यवस्थापन गरिसक्न समेत निर्देशन दिएका छन् ।

कतिपय उत्तर कोरियाली विज्ञहरुका अनुसार किमले आफ्नो देशलाई कोरोनाका कारण आर्थिक रुपमा असर नगरेको देखाउन गरिएको प्रोपोगाण्डा भएको तर्क दिएका छन्