उत्तर कोरियामा मास्क नलगाई यात्रा गर्न प्रतिवन्ध

प्योङ्गयाङ्ग- विहिवार एक सार्वजनिक सुचना जारी गर्दै उत्तर कोरियाले मास्क नलगाई सार्वजनिक सवारी साधनमा यात्रा गर्न प्रतिवन्ध लगाएको छ ।

कोरोना संक्रमणका कारण सिङ्गो विश्ज आक्रान्त भएको बेला उत्तर कोरियाले आफ्नो देश तथा नागरिकको सुरक्षाका लागि भन्दै सार्वजनिक सवारीमा मास्क अनिवार्य गराएको हो ।

उत्तर कोरियाका अनुसार हालसम्म कोरोना संक्रमणका कुनै विरामीहरु फेला नपरे तापनि उसले हज्जारौँ मानिसहरुलाई स्वास्थ्य कर्मीहरुको निगारानीमा राखेको छ ।

कोरोना भाइरसको संक्रमण सुरु भए यता नै उत्तर कोरियाले आफ्ना सम्पूर्ण नाकाहरु बन्द गरिसकेको थियो भने हवाई मार्गबाट यात्रा गर्ने यात्रुहरु माथि पनि कडा निगारानी राख्दै आएको छ ।

समाचारमा जनाइए अनुसार अब उत्तर कोरियाको सार्वजनिक सवारी चढ्ने जो कोहिले पनि आफ्नो शरिरको तापक्रम जचाउनु पर्ने छ ।

यदि कसैमा शंका लागेमा उनीहरुलाई सार्वजनिक सवारी साधनमा यात्रा गराइने छैन । यता सरकारले उत्तर कोरियाली रेलवे विभागलाई आफ्ना सम्पूर्ण रेलहरुमा क्वारेन्टाइन कक्ष राख्न निर्देशन समेत दिएको छ ।

यता दक्षिण कोरियाली अधिकारीहरुले भने उत्तर कोरियाले हाल सम्म कोरोना संक्रमण नभएको भनि दिएको दावीमा कुनै सत्यता नरहेको जनाएको छ ।

उसले पछिल्ला दिनहरुमा गरिरहेका विभिन्न अभ्यासहरुबाट उत्तर कोरिया पनि कोरोना संक्रमण बाट प्रभावित रहेको सहज अनुमान लगाउन सकिने विज्ञहरु बताउदछन् ।