कोरियाले कोरोनाबाट व्यवसाय जोगाउन छुट्यायो ३८ अर्ब डलर

सोल– साना व्यवसाय जोगाउनदक्षिण कोरियाले ३८ अर्ब ८० करोड डलर छुट्याएको छ। कोरियाले आकस्मिक कोषमा उक्त रकम उपलब्ध गराउने एजेन्सीहरुले जानकारी दिएका छन् ।

बिहीबार कोरियाले विश्व महामारी बनेको कोरोना भाइरसले अधिकांश देशको साना व्यवसायमा मार परिरहँदा ३८ अर्ब डलरको राहत प्याकेज छुट्याएको हो।

‘हामीले राष्ट्रिय वित्तीय संकटविरुद्ध जुध्न ५ सय खर्ब वन छुट्याएका छौँ’ कोरियाली अर्थमन्त्री होंग नाम किले भने ।

अर्थमन्त्री होंगले वित्तीय स्थिरताका लागि ल्याइएको राहत प्याकेजले जनताको दैनिक जीवनलाई प्राथमिकतामा राखेको बताउँदै यसले साना व्यवसायलाई सघाउने जानकारी दिएका छन् ।

दोस्रो प्राथमिकतामा वित्तीय भारलाई कम गर्न सघाउने र तेस्रो प्राथमिकतामा वित्तीय स्थिरता कायम गर्ने रहेको बताइएको छ।

राहत प्याकेज घोषणा गर्नुअघि राष्ट्रपति मुन जाए इनले आकस्मिक आर्थिक बैठक राखेका थिए।