अमेरिकाको लागि कामदार भिसा खुल्यो

काठमाण्डौ-अब कामदार भिसामा अमेरिका जान पाइने भएको छ। उच्च शिक्षा प्राप्त गरेका ‘एचवान बी’ कामदारका लागि अमेरिका रोजगारदाताले भिसा खुलाएको छ। अमेरिकी रोजगारदाताले क्षमतावान् उच्च शिक्षा प्राप्त कामदारको लागि पहिलोपटक अनलाइनमार्फत रजिस्ट्रेसन दिन लागेको हो।

नेपाली कामदार भिसामार्फत अमेरिका जानका लागि ‘एचवान बी’ले हिजो आइतबार (मार्च १) बाट नै आवेदन खुलाइएको छ। युएससीआईएसको सूचनाअनुसार मार्च १ तारिख दिउँसो १२ बजेदेखि मार्च २० तारिखको दिन दिउँसो १२ बजेसम्म आवेदन दिन सक्नेछन् ।

भिसाका लागि आवेदन दिन स्नातक तह उत्तीर्ण गरेको हुनुपर्छ। पहिलो वर्षका लागि ६५ हजारले अमेरिका प्रवेश पाउनेछन्। यसका लागि आवेदन निर्धारित समयसम्मका विश्वको जुनसुकै स्थानबाट भर्न सकिनेछ।अनलाइन फारमको लागि १० डलर लाग्नेछ भने फारम भरेपछि आवेदकले युएससीआइएसले ‘कन्फर्मेसन कोड’ पठाउने छ। यसको लागि आवेदकहरूले यही मार्च ३१ मा नै छनोट भएको वा नभएको यकिन नतिजा हेर्न पाउनेछन्।

अमेरिकी नागरिकता तथा आप्रवासन सेवा (युएससिआइएस)का अनुसार सो भिसा आव २०२१ का लागि खोलिएको हो। एच वानबी भिसाको व्यवस्थाले अमेरिकी रोजगारदातालाई विशेष पेसामा काम गर्ने गैरअमेरिकी अस्थायी कामदारलाई भिसा प्रदान गर्छ ।

कामदार भिसाका लागि इच्छुक आवेदकले अनलाइनमार्फत दर्ता गराउन युएससिआइएसको अनलाइन एकाउन्टको प्रयोग गनुपर्नेछ। युएससिआइएसले कन्फर्मेसन नम्बर उपलब्ध गराउँछ र सोही आधारमा छनोट हुनेको नामा मार्च अन्तिममा सार्वजनिक हुनेछ ।

यस्तै, नतिजा सार्वजनिक भएपश्चात् छनोट भएका आवेदकहरूले एचवानबी भिसा प्रक्रिया अगाडि बढाउने सक्नेछन्। साथै, तोकिएको सबै प्रक्रिया पूरा गरेको खण्डमा अमेरिकाले भिसा दिने उल्लेख गरेको छ।