जापानमा पानीजहाज ठोकिदा १३ जना बेपत्ता

टोकियो- जापानको उत्तर पूर्वी क्षेत्रको आमोरिस्थित एक सामुद्रिक तटमा भएको पानीजहाज दुर्घटनामा १३ जना बेपत्ता भएका छन् ।

सामुद्रिक सिमा सुरक्षाकर्मिले बताए अनुसार एक कार्गो पानीजहाजले स्थानीय माछा मार्ने जहाजलाई ठक्कर दिएको थियो ।

बेपत्ताहरु सबै कार्गो पानीजहाजका चालक दलका सदस्यहरु रहेको प्रहरीले जनाएको छ ।

गुवो छिन १ नाम गरेको उक्त कार्गो पानीजहाज जापानको आमोरी शहरबाट उत्तर कोरियाका लागि करिव ३१ सय ५० टन सामान सहित छुटेको थियो ।

समुद्रि तटवाट छुटेको केही समयमै उक्त जाहाज दुर्घटनामा परेको सुरक्षाकर्मीले जनाएका छन् । माछा मार्ने जाहाज सँग ठोकिए लगत्तै जाहाज डुवेको थियो ।

स्थानीय सुरक्षाकर्मीका अनुसार उक्त जाहाजमा सवार ७ चिनिया, ५ भियतनामी तथा एक फिलिपिनो नागरिक वेपत्ता छन् र उद्दारकर्ताले १ फिलिपिनो नागरिकलाई भने उद्धार गरेको छ ।

दुर्घटनामा परेको फिसिङ बोटमा सवार १५ जना भने सकुशल रहेको पनि अधिकारीहरुले जनाएका छन् ।