कोरोना दुख -जापानमा मास्कको हाहाकार भए पछि सेनेटरी प्याड र ब्रा

टोकियो – चीनबाट विश्वभर माहामारीको रुपमा फैलिरहेको कोरोना भाइरसका कारण हरेक मानिस त्रसित छन् । यो रोगबाट बच्ने पहिलो उपाय भनेको आफ्नो स्वासप्रस्वास प्रणालीलाई स्वस्थ राख्नु । आफ्नो स्वास्थ्यलाई स्वस्थ राख्न चीनमा मानिसहरुले मास्कको प्रयोग गरे । जव मास्क पाइन छाड्यो, तव मानिसहरुले विभिन्न अन्य रचनात्मक उपाय निकाल्न थाले । कसैले फलफूलका बोक्राहरुको प्रयोग गरे, कसैले प्लास्टिक बोतल, कसैले सेनेटरी प्याड त कसैले ब्रा ।

तर जापानमा भने मास्कको हाहाकार हटाउन नयाँ तरिका अपनाइएको छ । जापानीहरुले घरमै बनाएको मास्कको प्रयोग गर्न थालेका छन् । उनीहरुले बनाएको घरेलु मास्क हाल सामाजिक सञ्जालमा भाइरल भइरहेका छन् । रुमाल, कफि फिल्टर तथा इलास्टिकको प्रयोग गरि कसरी मास्क बनाउन सकिन्छ भन्ने विषय समेटिएका भिडियोहरु इन्स्टाग्राममा भाइरल हुन थालेका छन् ।

यता स्वास्थ्य विज्ञहरु भने साबुन पानीले राम्ररी हात धुनु मास्कको प्रयोग भन्दा राम्रो भएको बताउछन् भने यसरी बनाइएका मास्कहरुको विश्वसनियतामा पनि प्रश्न चिन्ह खडा गरेका छन् । सर्जिकल मास्क किन्न पाउनु लगभग मुस्किल नै भएका बेला यसरी रचनात्मकता देखाउनु सरहानीय काम भएता पनि सो काम कति सुरक्षित छ भन्ने बारेमा पनि अध्ययन हुन जरुरी रहेको स्वास्थ्य अधिकारीहरुले बताएका छन् ।