पूर्वराष्ट्रपति होस्नी मुवारकको निधन

बिबिसी-इजिप्टका पूर्वराष्ट्रपति होस्नी मुवारकको ९१ वर्षको उमेरमा निधन भएको छ।

३० वर्ष इजिप्टमा शासन गरेका हाेस्नीकाे म‌ङ्गलबार निधन भएकाे हाे। मुवारकको कायरोमा रहेको सेनाको अस्पतालमा निधन भएको स्थानीय सञ्चारमाध्यमलाई उदृत गर्दै बीबीसीले जनाएको छ।

मुवारकले सन् १९८१ देखि २०११ सम्म इजिप्टका राष्ट्रपतिकाे कार्यभार सम्हालेका थिए। उनको शासन कालमा राजनीतिक दलमाथिको कठोर दमन, बढ्दो भ्रष्टाचार आर्थिक समस्या बढेपछि नागरिकमा उनीप्रति आक्रोश पैदा भएको थियो। प्रदर्शनकारीको हत्या आरोपमा दोषी ठहर गर्दै उहाँलाई जन्मकैदको फैसला सुनाइएकाे थियो। तर पछि फैसला बदल्दै सन् २०१७ मा मुवारकलाई रिहा गरिएको थियो।

राजनीतिमा प्रवेश गर्नुअघि मुवारक हवाइ सेनाका मार्सल थिए। त्यसपछि सन् १९७२ मा उनी त्यहाँको एयर फोर्समा मुख्य कमाण्डर भएका थिए।

मुबारकको जन्म सन् १९२८ मा इजिप्टकै ग्रामिण बस्ती निल डेल्टामा भएको थियो।