कोरियामा कोरोना भाइरसबाट पहिलो पटक एकको मृत्यु

सोल-कोरियाली रोग नियन्त्रण तथा रोकथाम केन्द्रले विहिवार सार्वजनिक गरेको तथ्यांक अनुसार कोरोना संक्रमित एक विरामीको मृत्यु भएको छ ।

६३ बर्षिय ती बृद्ध विगत २० दिनबाट अस्पताल भर्ना भएका थिए । चोइङदो शहरको एक अस्पतालमा विगत २० दिन देखि उपचार गराइरहेका उनी निमोनियाबाट ग्रस्त थिए ।

प्राथमिक परिक्षणमा कोरोनाको संक्रमण भेटिए तापनि उनको मृत्यु के कारणले भएको हो भन्ने चाहीँ विस्तृत अध्ययन पश्चात मात्र थाहा हुने सरकारी अधिकारीले बताएका छन् ।

हाल कोरियाको थेगु तथा ग्योङसाङ शहरमा मात्र ७४ जना कोरोना भाइरस संक्रमितहरु पत्ता लागिसकेका छन् । यसरि धेरै जना संक्रमित भेटिए संगै सरकारले ती दुई शहरका वासिन्दाहरुलाई शहर छाडेर अन्यत्र जान प्रतिवन्ध लगाएको छ । सरकारका अनुसार उक्त कदम कोरोना भाइरस फैलिएर जनाओस् भनेर गरिएको हो ।

यता हालै एक कोरोना संक्रमित व्यक्ति सहभागी भएको चर्चको कार्यक्रमका आयोजकले सम्पूर्ण सहभागीहरुलाई एक्लै बस्न अनुरोध गरेका छन् ।

चर्च व्सवस्थापकका अनुसार उक्त कार्यक्रममा सहभागी एक जनामा कोरोना भाइरसको संक्रमण भेटिएकाले उक्त भाइरस अन्यमा नसरोस भनेर सो अपिल गरिएको जनाइएको छ ।