चीनको अर्को महत्वकाक्षी योजना ६ दिनमा मास्कको कारखाना बनाउने

काठमाडौं-चीनले हरेक समय कुनै न कुनै चामत्कारिक काम गरिरहेको हुन्छ । विश्वमा नै आतङ्क फैलाइरहेको कोरोना भाइरसको सङ्क्रमण नियन्त्रणमा आउन समय लाग्ने भएपछि उसले १६०० शैयाको अस्पताल केवल १० दिनमा बनाएको थियो भने हाल उसले अर्को त्यस्तै महत्वकाक्षी परियोजनाको घोषणा गरेको छ । उसले अबको एक साता भित्र मास्क उत्पादन गर्ने कारखाना खोल्ने भएको छ ।

चाईना फस्ट ग्रुप कन्स्ट्रक्सनले बनाउन लागेको उक्त उध्योगले दिनमा करिव दुई लाख ५० हजार मास्क उत्पादन गर्ने छ ।

कम्पनि प्रतिनिधिले जनाए अनुसार हिजो सोमवारबाट सुरु गरिएको उक्त उद्योग निर्माणको काम आगामी शनिवारसम्ममा सम्पन्न गरिने छ ।

कन्स्ट्रक्सन प्रतिनीधिका अनुसार कामदारहरुलाई विभिन्न समुहमा विभाजन गरिएको छ र उनिहरुलाई सिफ्ट अनुसार काममा खटाईने छ ।

कामदारहरुको वासस्थान र काम गर्ने स्थान फरक फरक ठाँउमा राखिएको छ र काम गर्ने स्थानमा सुरक्षित वातावरण तथा तापक्रमको व्यवस्था गरिएको छ ता की कामदारहरुले सुरक्षिछ महसुस गरुन् ।

हाल चीनमा कोरोना भाइरस संक्रमण बढे सँगै मास्कको प्रयोग पनि ह्वात्तै बढेको छ । यता सरकारले स्वास्थ्य क्षेत्रमा गरिने लगानिमा सहुलियत प्रदान गर्ने समेत जनाएको छ ।