दक्षिण कोरियाका बिद्यार्थीहरु उत्तर कोरियालाई शत्रु मान्छन

सोल-हालै गरिएको एक सर्वेक्षण अनुसार दक्षिण कोरियाली विद्यार्थिहरुले उत्तर कोरिया प्रति नकारात्मक सोच राख्ने मात्र नभई शत्रुता पुर्ण व्यवाहार समेत गर्ने गरेको पाईएको छ ।

अक्टोवर २१ बाट नाेभेम्बर २१ सम्म देशभरका करिव ६४ हजार जनामा गरिएको सर्वेक्षणमा सो तथ्य आएको हो ।

बिद्यार्थीहरुले उत्तर कोरिया भन्ने बित्तिकै क्रुर शाशन, शैनिक शाशन, हातहतियारको जुवारी खेल्ने क्षेत्र तथा गरिविले ग्रस्त भन्ने जवाफ दिने गरेका छन् ।

४३.८ प्रतीशतले उत्तर र दक्षिण कोरिया मिलेर अगाडी बढ्न पर्ने बताएका छन् भने ३५.८ प्रतिशतले भने दक्षिण कोरियाले आफ्नो सुरक्षालाई मजबुत राख्दै उत्तरको खासै वास्ता नगर्दा पनि हुने सल्लाह दिएका छन् ।

त्यस्तै दक्षिण कोरियाले उत्तर कोरियालाई सहयोग गर्नुपर्छ भन्ने करिव १२.८ छन् भने ८.१ प्रतिशतले उत्तर कोरियालाई दुस्मनको रुपमा लिएका छन् ।

उत्तर कोरिया भन्ने बित्तिकै के बुझ्नुहुन्छ भन्ने प्रश्नको जवाफमा ३१.८ प्रतिशतले सैनिक शाशन भएको, ८ प्रतिशतले गरिवि, २१ प्रतिशतले पुनर्मिलन, तथा ३६.६ प्रतिशतले कोरियाली प्रायद्वीपमा शान्ती चाहिएको जवाफ दिएका छन् ।

यी बालबालिकाहरुको राय यसरि आउनुमा दुई कोरिया विच हुने भनिएका वार्ता समयमा नहुनु र भएका वार्ता पनि टुङ्गोमा नपुग्नु तथा उत्तर कोरिया सँगको परमाणु हतियार निशश्त्रिकरण सम्बन्धि वार्ता निश्कर्षमा नपुग्नु प्रमुख कारक रहेको सर्वेक्षणले बताएको छ ।

अमेरिकाले उत्तर माथि नाकाबन्दी कस्नु, आक्रामणको धम्की दिनु, उत्तरले पनि जवाफमा क्षेप्यास्त्र निरन्तर प्रक्षेपण गर्नु, अमेरिकाले दक्षिणसँग सम्युक्त सैन्य अभ्यास गर्नु आदी पनि कोरियाली प्रायद्वीप अशान्त हुने कारक हुन् । यदि यी समस्याहरुको बैज्ञानिक र दिगो समाधान नखोजिए कोरिया शान्त भएर रहन नसक्ने पनि सर्वेक्षण प्रतिवेदनमा उल्लेख गरिएको छ ।