अन्धाधुन्ध गोली हानेर २१को हत्या गर्ने थाईल्याण्डका सैनिक मारिए

एजेन्सी – थाइल्याण्डमा अन्धाधुन्ध गोली चलाएर २१ जनाको हत्या गर्ने एक जुनियर सैनिक अधिकारी मारिएका छन् ।

ज्यान गुमाउनेको संख्या २१ पुगेको छ। अरु ३१ जना घाइते छन्।

जंकाराफंथ थोमा नाम गरेका ती सैनिक जवानले शनिबार सैनिक क्याम्पमा आफ्ना कमाण्डरको गोली हानी हत्या गरेर स्थानीय सपिङ सेन्टरमा पनि अन्धाधुन्ध गोली चलाएका थिए । ती सैनिक रातभर सोही सपिङ सेन्टरमा लुकेका थिए।

जवाफी कारवाहीको क्रममा आक्रमणकारी थोमा आइतबार बिहान मारिएको थाइ प्रहरीलाई उद्धृत गर्दै समाचार संस्था रोयटर्सले जनाएको छ।

उनले आक्रमण किन गरेका हुन् भन्ने खुलेको छैन।