कोरोना बिरुद्द भ्याक्सिन उत्पादन गर्न विश्वभरका विज्ञ जुट्दै

बेइजिङ-विश्वभर महामारीको रूपमा फैलिरहेको कोरोना भाईरससँग लड्न सिङ्गो विश्व एक भएर लागि परिरहेको छ । ठोस उपचार बिधि पत्ता नलागे तापनि हाल विश्वभरका अनुसन्धान केन्द्रहरु उक्त रोग बिरुध्दको भ्याक्सिन उत्पादनका तथा तथ्य केन्द्रित अनुसन्धानका क्षेत्रमा क्रियाशील भईरहेेका छन् ।

हाल अक्स्फोर्ड विश्वविद्यालयको एक खोज केन्द्रले भ्याक्सिन उत्पादनको प्रारम्भिक चरण पुरा गरेको बताउदै ईटालीयन भ्याक्सिन निर्माता कम्पनि एड्भेन्ट सिर्ललाई प्राथमिक परिक्षणको रुपमा १००० डोज भ्याक्सिन उत्पादन गर्न अनुमति समेत दिईसकेको छ ।

जेनर ईन्स्टिच्युटका प्राध्यापक डा. साराह गिल्वर्टका अनुसार मध्य पुर्वमा पहिले फैलिएक‍ो सोहि भाईरस लाई निर्मुल बनाउन प्रयोग गरिएका बिधि तथा प्रक्रिया अपनाई सो भ्याक्सिन निर्माण गरिएको छ । उनका अनुसार हाल उक्त भ्याक्सिन निर्माण गर्न धेरै चुनौतिहरू छन् । त्यसलाई चाहिने औषधी जन्य पदार्थ, निर्माणमा लाग्ने समय तथा पर्याप्त रूपमा सुलव उपलब्धता यो भ्याक्सिन निर्माणका चुनौतिहरु हुन् । साथै उनले चीनले कोरोना बिरुद्द लड्न गरेको प्रयासको प्रशंसा पनि गरे ।

यता चीनमा पनि उक्त भाईरस बिरुद्द लड्न भ्याक्सिन उत्पादनको काम शुरु भएको छ र अबको करिव ४० दिनमा उक्त भ्याक्सिन सर्वसुलव बनाउने टोङ्जी विश्वविद्यालय अन्तरगतको साङ्घाई ईस्ट मेडिकल हस्पिटलका एक अधिकारीले बताएका छन् ।

यता बेलर कलेज अफ मेडिसिनले अमेरिकाको टेक्सस विश्वविद्यालय सँगको सहकार्यमा भ्याक्सिन उत्पादनको कामलाई तिब्रता दिएका छन् ।

यी बाहेक विश्वका अन्य धेरै मेडिकल कम्पनि तथा विश्वविद्यालयहरु पनि कोरोना भाईरस बिरुद्दको खोप आविश्कारमा निरन्तर रुपमा अगाडी बढिरहेका छन् । ‘आशा छ अबको छोटो समयमा नै विश्वभर आतङ्क फैलाईरहेको कोरोना भाईरस विरुद्दको लडाई सफलता तर्फ उन्मुख हुने छ’ एक अमेरिकी स्वास्थ्य विज्ञले भने ।