जापानमा ट्वीटर मार्फत ४२८ बाल वेश्याबृत्तिको शिकार

टोकियो- जापानको सरकारी तथ्याङ्कका अनुसार सन् २०१९ मा बाल दुर्व्यवाहारका १ हजार ९ सय ५७ वटा घटना प्रहरी समक्ष दर्ता भएका छन् ।

बाल कल्याण केन्द्रहरुमा १८ बर्ष मुनीका बालबालिका माथि भएका दुर्व्यवाहारका करिव ९७ हजार ८ सय ४२ वटा घटना दर्ता भएता पनि प्रहरी समक्ष भने त्यसको करिव २१ प्रतिशत मात्र प्रहरीमा आएको प्रहरी श्रोतले बताएको छ ।

गत बर्ष दर्ता भएका १९५७ मध्ये शारिरिक यातनाका १६२९, यौन दुर्व्यवाहारका २४३, मनाोबैज्ञानिक यातनाका ५० तथा गाली गलौज तथा अवहेलना सम्बन्धि ३५ घटना दर्ता भएका हुन् ।

सामाजिक सञ्जालको माध्यमबाट यौन दुर्व्यवाहारको शिकार भएका बालबालिकाको संख्या पनि उल्लेख्य रहेको प्रहरीले बताएको छ ।

ट्वीटर जस्ता सामाजिक सञ्जालको दुरुपयोगबाट १८ बर्ष मुनीका करिव २०९८ जना पिडित रहेका र ८५९ जना यौन हिंसाको शिकार बनेका तथा ४२८ जना बाल वेश्याबृत्तिको शिकार बनेको पनि तथ्याङ्कमा बताईएको छ ।

यी त प्रतिनिधि घटनाहरु मात्र भएको भन्दै प्रहरीले अन्य नबताईएका कैयौ त्यस्ता घटनाहरु समेत रहेको भन्दै समाजमा रहेका सबैलाई सचेत रहन र प्रहरीसँग सहकार्य गर्न पनि प्रहरीले अपिल गरेको छ ।