जापानमा बालिकाले गरिन् अपार्टमेन्टबाट हामफालेर आत्महत्या

टोकियो- जापानको कुमामोटो शहरमा एक विद्यालयमा पढ्ने छात्राले १४ तल्ले अपार्टमेन्टबाट हाम फालेर आत्महत्या गरेकी छन् । आइतबार अपह्रान्न भएको उक्त घटना करिव ०२ः०५ बजे तिर भएको हो ।

स्थानीय प्रहरी अधिकारीका अनुसार उनले चौधौँ तल्लाको चुवो वार्डबाट हाम फालेकी थिइन । घटनामा गम्भिर घाइते भएकी उनलाई अस्पताल लगिएको थियो तर अस्पताल पुर्याएको करिव डेढ घण्टा पछि अस्पतालले उनलाई मृतक घोषणा गरेको थियो ।
आत्महत्या प्रयास गर्न छतमा गएको देख्ने वित्तिकै मृतककी आमाले प्रहरीलाई ११० नंबरमा फोन गरेकी थिइन । जव उनीलाई उद्धार गर्न प्रहरी अधिकारी तथा उनका बुबा छतमा पुगे तब उनले त्यहाँबाट हाम फालेकि थिइन, प्रहरी अधिकारीले भने ।

छतमा जानका लागि मुख्य ढोका बन्द गरिएको थियो तर उनले फ्ेन्सको प्रयोग गरेर छतसम्म पुगेको प्रहरीले बताएको छ ।

विद्यालयको पोशाकमै आत्महत्या गरेकी उनको झोला र जुत्ता साथमै भेटिए तापनि सुसाइड नोट भने फेला नपरेको प्रहरी श्रोतले बतायो । हाल घटनाको गम्भिर छानविन भइरहेको पनि प्रहरी श्रोतले बताएको छ ।