गरीब कोरियनहरु पुराना रोगको सिकार बन्दै

सोल-दक्षिण कोरियाका ग्रामिण क्षेत्रका गरिव परिवारहरु पुराना तरिकाका रोगहरुबाट ग्रस्त हुने गरेको हालै गरिएको एक सर्वेक्षणले बताएको छ ।

कोरियाली स्वास्थ्य विभागका अनुसार डाइविटीज तथा हस्तक्षेप टेन्सन जस्ता रोगहरुबाट ग्रामीण क्षेत्रका गरिव मानिसहरु पिडित हुने गरेको संस्थाले आफ्नो प्रतिवेदनमा उल्लेख गरेको छ ।

चीनी रोगको संक्रमण निम्न आय हुने ग्रामिण क्षेत्रका नागरिकहरुमा मध्यम तथा उच्च आय हुनेको भन्दा करिव चार गुणा बढी रहेको पनि प्रतिवेदनमा भनिएको छ । सन् २०१८ मा निम्न आय हुने ग्रामिण क्षेत्रका नागरिकहरु मध्ये १६ प्रतिशत भन्दा बढीमा यस्ता विरामहरु देखा परेको पनि अध्ययनले देखाएको छ ।

हाइपरटेन्सनको समस्या पनि निम्न आय हुने ग्रामिण क्षेत्रका नागरिकहरुमा नै बढी पाइएको छ । अध्ययन प्रतिवेदनका अनुसार यो वर्गका मानिसहरु मध्ये करीव ३१.६ प्रतिशतमा सो रोग पाइएको छ जव की मध्यम तथा उच्च आय हुने मध्येमा करिव २८.७ प्रतिशतमा मात्र सो रोग पाइएको छ ।

ग्रामिण क्षेत्र र शहरी क्षेत्रमा चीनीरोगको अनुपातमा केही भिन्नता पाइएता पनि हाइपर टेन्सन अनुपान भने उस्तै पाइएको छ । चीनीरोग ग्रामिण क्षेत्रका करिव १४ प्रतिशतमा पाइएको छ भने शहरी क्षेत्रका करिव १० प्रतिशतमा मात्र पाइएको छ ।

मोटोपनको समस्या पनि शहरी क्षेत्र र ग्रामिण क्षेत्रमा फरक पाइएको छ । शहरका करिव २४ प्रतिशत मानिसहरु यो समस्याबाट ग्रस्त छन् भने ग्रामिण क्षेत्रका करिव ३५.१ प्रतिशत मानिसहरु उक्त समस्या बाट पिडित छन् ।

अध्ययनले खानपानको उचित ब्यवस्थापन हुन नसक्दा यी स्वास्थ्य समस्याहरु आएको बताउदै खानपान तथा ब्यायाममा नियमितता ल्याए यस्ता रोगहरुबाट बच्न सकिने बताएको छ ।