कोरोना बिरुद्ध लड्न संसारका धनीहरु सहयोग जुटाउदै

काठमाडौँ-चीनका दोस्रो सर्वाधिक धनी व्यक्ति ज्याकमाको कम्पनी अली बाबाले आफूले बुहानसमेत चीनको सबै अस्पतालमा औषधीका लागि १ सय ४४ मिलियन डलर सहयोग दिने घोषणा गरेका छन । उनले यसको केही रकम कोरोनाभाइरसको इन्जेक्सन विकसित गर्ने संस्थालाई पनि दिने बताएका छन् ।

यस बाहेक उनले आर्टिफिसियल इन्टेलिजेन्स सिस्टम, कम्प्युटिङ सिस्टम, टेली कम्युनिकेशन लगायतका अन्य क्षेत्रमा समेत सहयोग गर्ने बताएको उनको आधिकारिक सामाजिक सञ्जाललाई उल्लेख गर्दै चीनको सरकारी समाचार संस्थाले जनाएको छ ।

यसैबीच संसारभरीका धनी व्यक्ति कोरोना भाइरसबाट लड्नका लागि एकजुट भएका छन् । यी सबैले करिब २७२.३ मिलियन डलर ३१ अर्ब रुपैयाँ दिने घोषणा गरेका छन् । यसमा सबैभन्दा धेरै ज्याक माले दिएका छन् । यति पैसामा चीनले कोरोना भाइरसबाट पीडित व्यक्तिका लागि चारवटा अस्पताल बनाउन सक्ने बताइएको छ ।

चीनबाट संसारभरी फैलिरहेको नोवेल कोरोनाभाइरसका ७ हजार ८ सय ९२ जना व्यक्ति संक्रमित छन् । यीमध्ये ७ हजार ७ सय ७१ जना त चीनमा मात्रै छन् । यो भाइरसको संक्रमणका कारण बुधबारसम्म मृतकको संख्या १ सय ७० पुगेको छ ।

टिकटक भिडियाको कम्पनी बाइटडान्स, टेनसेन्ट र बायदूले चीनमा कोरोना भाइरसका बिरामीको मद्दत, उपचार र औषधीका लागि ११५ मिलियन डलर घोषणा गरेको छ । यो राशी बुहानमा बनिरहेको हजार शय्याको बेड भएको अस्पतालका लागि निर्धारित गरिएको छ ।