उत्तर कोरियाको वेवसाइट दक्षिणबाट पनि हेर्न मिल्ने

सोल-उत्तर कोरियाली पर्यटन वेवसाइट डिपिआर कोरियालाई अब दक्षिण कोरियाबाट पनि हेर्न मिल्ने भएको छ । यो उत्तर कोरियाको अनौठो ब्यवाहार हो किनभने दशकौँबाट उसले आफ्ना वेवसाइटहरु विदेशीहरुका निम्ति बन्द गर्ने गरेको छ ।

उत्तर कोरियाको यो नयाँ रणनिति बारे धेरैले धेरै प्रकारका अड्कलवाजीहरु ग्रिरहेका छन् । कतिपय ले चाहिँ यो उत्तर कोरियाको दक्षिण कोरियाली पर्यटकहरुलाई उत्तर कोरिया भित्राई ब्यक्तिगत सम्बन्धलाई मजवुत बनाउने एउटा प्रयास भएको टिप्पणी गरेका छन् ।

उत्तर कोरियाले उक्त वेवसाइट सन् २०१७ तिर सञ्चालनमा ल्याएको र उक्त वेवसाइटमा उसले आफ्ना पर्यटकीय गन्तब्यहरुका चित्र तथा सुचनाहरु राखेको पनि समाचारहरुमा बताइएको छ ।

तर उत्तर कोरियाको कठोर नितिका कारण त्यहाँको पर्यटकीय क्षेत्र धरासायी भएको बताउदै उसले नयाँ वेवसाइट फण्डा निकालेको र यसमा खासै उत्तेजित भएर भ्रमण गर्न जरुरी भने नभएको विज्ञहरुले बताएका छन् । उनीहरु अगाडी भन्छन ‘उत्तर कोरियाले कुनै पनि बेला वेवसाइट बन्द गर्न सक्छ त्यसैले यस्ता अनावश्यक विषयलाई गहिरिएर अध्ययन गर्नुको कुनै अर्थ छैन ।’