कोरियामा पनि कोरोना भाइरस भेटियो

सोल-दक्षिण कोरियामा चीनबाट फैलिएको कोरोना भाइरसको संक्रमण एक जनामा भेटिएपछि प्रधानमन्त्री चुङ्ग साइ क्युनले स्वास्थ्यकर्मीहरुलाई सतर्कता अपनाउन साथै कसैमाथि संका लागेमा तत्कालै उपचार गर्न निर्देशन दिएका छन् ।

रोग रोकथाम तथा उपचार केन्द्र कोरियाका स्वास्थ्यकर्मीहरुले गरेको एक स्वास्थ्य परिक्षणमा एक चीनिँया महिलामा सो रोगका किटाणु भेटिएको पुष्टि गरे सँगै कोरियाली अधिकारीहरु यस रोगको बारेमा सचेत भएका हुन् ।

ती चीनिँया महिलामा उक्त रोगको संक्रमण भेटिए सँगै स्वास्थ्य मन्त्रालयले मातहतका सबै निकायहरुलाई एक आपसमा समन्वय गरि उक्त रोप फैलिन नदिन तथा आम जनतालाई यो रोग लाग्न नदिने उपाय बारे जनचेतना फैल्याउने काम गर्न पनि निर्देशन दिएको हो ।

रोग नियन्त्रण माहाशाखा कोरियाले रोग भेटिए लगत्तै अब यस बारे कसरि अगाडि बढ्ने भन्ने बारे बहस अगाडी ल्याएको छ । उनीहरुका अनुसार ती महिलालाई क्वारेन्टाइन चेकपोष्टमा जाँच गर्दा नै भाइरस पत्ता लागेका कारण अन्यत्र भने फैलिन नपाएको पनि रोग नियन्त्रण महाशाखाले जनाएको छ ।

तथ्यांकका अनुसार हालसम्म कोरोना भाइसरबाट करिव २०० जना विरामी परिसकेका छन् जसमा ९ जनाको अवस्था भने गम्भिर रहेको छ । २०० जना मध्ये चीनको हुवान प्रान्तमा मात्र १४० जना पाइएका छन् ।