सोलमा हाउजिङको मूल्य तीब्र वृद्धि

सोल-दक्षिण कोरियाको राजधानी सोलमा अपार्टमेन्टको मूल्य गत तीन वर्षमा विश्वको सबैभन्दा द्रुत गतिमा वृद्धि भएको छ |

अनलाइन डाटाबेस नुम्बेओका अनुसार सोल विश्वमा चौथो सबैभन्दा महँगो शहर हो। यहाँको हाउजिङ्गको मूल्य वृद्धि न्यूयोर्क, पेरिस, लन्डन र टोकियो भन्दा तिव्र बृद्धि हो ।

गत वर्ष सोलको एउटा अपार्टमेन्टको औसत मूल्य प्रति वर्ग मिटर १५ हजार ३ सय २१ अमेरिकी डलर रहेको थियो । जुन विश्वको ३ सय ९० शहर मध्ये चौथो महँगो शहर हो।

२०१६ सम्म सोल महँगो अपार्टमेन्टको मूल्यका लागि १४ औं स्थानमा थियो तर राष्ट्रपति मुन जाइ-इनले ३ बर्ष अघि पदभार ग्रहण गरेदेखि शीर्ष पाँच स्थानमा रहेको छ |