दक्षिण कोरियामा एक्लै बस्नेको संख्या वृद्धि

सोल-दक्षिण कोरियामा एकल व्यक्तिको संख्या बढ्दै गएको छ |

एक अध्ययन अनुसार अबको ३० बर्षमा एक सदसीय परिवारको संख्या अत्याधिक रहने उल्लेख गरिएको छ ।

बढ्दो ज्येष्ठ नागरिक संख्या तथा न्युन प्रजनन दर यसका प्रमुख कारक भएको अध्ययनले देखाएको छ । उक्त अध्ययनका अनुसार एक सदस्यीय परिवारको संख्या सन् २०४७ सम्ममा करिव ३७.३ प्रतिशत पुग्ने प्रक्षेपण गरिएको छ ।

सन् २०१५ मा करिव २७.२ प्रतिशत रहेको एक सदसीय परिवारको संख्या सन् २०१८ मा आउदा करिव २९.३ प्रतिशत पुगेको छ ।

अध्ययनका अनुसार कोरियाका १७ मुख्य शहरहरुले अवको तीन दशकमा जनसंख्या परिवर्तनको प्रत्यक्ष असर अनुभव गर्ने छन् ।

राजधानी सोलमा मात्र सन् २०१७ मा करिव ३०.९ प्रतिशत एक सदसीय परिवार रहेकोमा सन् २०४७ मा ३७.२ प्रतिशत पुग्ने अनुमान गरिएको छ ।