उत्तर कोरियाको भ्रमण लाखौँले गरे

सोल-पछिल्लो समय उत्तर कोरियाको भ्रमण गर्ने बिदेशी पर्यटक बढेका छन् |

प्योङ्गयाङ्ग सरकारी सञ्चार माध्यमका अनुसार यो वर्ष लाखौँ विदेशि पर्यटकहरुले उत्तर कोरियाको भ्रमण गरेका छन् ।

उत्तर कोरियाली पर्यटन विभागका सरकारीअधिकारी किम चुन हुईले सरकारी सञ्चार माध्यम मिन्जु छोसोनलाई दिएको अन्तरवार्ता अनुसार यो वर्षको मार्च महिना अन्त्य सम्ममा लाखौँ बिदेशी पर्यटकहरुले उत्तर कोरियाको भ्रमण गरेका छन् |

अन्तर्वार्तालाई आधार मान्ने हो भने विगतका वर्षहरु भन्दा निकै नै धेरै हो ।

अधिकारीका अनुसार अघिल्ला वर्षहरुमा उत्तर कोरियाली सर्वोच्च नेता किम जोङ उनकोअमेरिकी, चिनियाँ तथा रुसी उच्च नेताहरुसँग भएको भेटवार्ता तथा भ्रमणहरुले बिदेशी पर्यटकहरुलाई उत्तर कोरियाको भ्रमण गर्ने वातावरण थप सहज बनाएको हो र उत्तर कोरियाको चर्चा बढेर गएको हो ।