कोरियाको श्रम शक्ति १७ प्रतिशतले घट्ने

सोल-दक्षिण कोरियाको श्रम शक्ति सन् २०४० सम्ममा १७ प्रतिशतले घट्ने जनाइएको छ |

विश्व व्यापार संगठनले हालै जारी गरेको प्रतिवेदनका अनुसार सन् २०१८ बाट २०४० सम्ममा दक्षिण कोरियाको श्रमिक जनशक्ति १७ प्रतिशतले घट्ने जनाइएको हो |

विश्व व्यापार संगठनको तथ्यांक अनुसार यो विश्वकै सबै भन्दा धेरै श्रम शक्ति ह्रास हो । प्रतिवेदनका अनुसार यो दर जापान र चीनको भन्दा पनि बढी हो ।

हाल सम्मको सर्वाधिक श्रम शक्ति ह्रास दर १४ प्रतिशत रहेको छ । प्रतिवेदनका अनुसार सोहि अवधिमा अमेरिकाको श्रम शक्ति भने करिव १० प्रतिशतले बृद्धि हुने देखिएको छ ।

प्रतिवेदनमा युरोप तथा एसियामा श्रम शक्ति ह्रासको दर बढ्दै गएको पनि जनाइएको छ ।

दक्षिण कोरियाली जनसंख्या विभागको तथ्याङ्क अनुसार हाल श्रम शक्ति उमेर समुहको जनसंख्या करिव ५२.४ प्रतिशत रहेको छ र यो घट्दो क्रममा रहेको छ ।

यदि श्रम शक्ति दर घट्ने क्रम जारी रहेमा विश्व अर्थतन्त्रमा नकारात्मक प्रभाव पार्ने कोरियाली अधिकारीहरुले बताएका छन् ।