दक्षिण कोरियाले बनाएको संरचना उत्तरले ध्वस्त पार्ने

सोल- किम जोङ्ग उनले दक्षिण कोरियाली निर्मित पर्यटक स्थल ध्वस्त पार्ने आदेश दिएका छन् ।

उत्तर कोरियाका नेता किम जोङ्ग उनले माउन्ट कुमगाङ्गमा दक्षिण कोरियाले बनाएका भवनहरू भत्काउने आदेश दिएका छन् । पहिले उक्त भवनहरु दक्षिणबाट आएका पर्यटकहरूका लागि बनाईएको थियो ।

यस परियोजनाले हुन्डाई आसन जस्ता दक्षिण कोरियाली कम्पनीहरु र लाखौं डलर लगानी आकर्षित गरेको छ । हुन्डाई आसन उत्तर कोरियाका लागि राजस्वको महत्वपूर्ण स्रोत हो ।

यो परियोजना २००८ मा दक्षिण कोरियाली पर्यटकलाई उत्तर कोरियाले सैन्य क्षेत्रमा प्रवेश गरेको भनि गोली हानेपछि निलम्बित गरिएको थियो ।

त्यसबेलादेखि यी सुविधाहरू ठूलो प्रयोग नभएको विश्वास छ, यद्यपि गत वर्ष मात्र पारिवारिक पुनर्मिलनको लागि प्रयोग भएका थिए।

किम जोंग उन र दक्षिण कोरियाली राष्ट्रपति मून जे -इनले गत वर्ष माउन्ट कुमगाङ्ग फेरि खोल्ने वाचा गरेका थिए तर दुई देशबीच वार्ता अघि बढ्न सकेको छैन।

यस क्षेत्रको भ्रमण गरिसकेपछि उत्तर कोरियाली नेताले पहाड वरपरका सुविधाहरू पुरानो भएको र आफ्नो देशको चरित्र संग मेल नखाएको बताएका छन् ।

उनले दक्षिण कोरियाले निर्माण गरेका सबै संरचनाहरू आफ्नो देशको भावना र सौन्दर्य संग मेल हुनेगरी पुनर्निर्माण गर्न आदेश दिए ।