कोरियाली गायकलाई सामुहिक बलात्कारको आरोपमा ७ वर्ष जेल

सोल – अनुसन्धानकर्ताहरूले कोरियन पप (के-पप) गायक जंग जुन- यौंगलाई सामूहिक बलात्कारगरेको र उक्त घटनाको फुटेज सामूहिक च्यटमा घटनाको साझा गरेको आरोपमा ७ बर्षको जेल सजाय सिफारिस गरेको रिपोर्टले बुधबार जनाएको छ।

सियोल केन्द्रीय जिल्ला अदालतमा बुधबार भएको सुनुवाईको क्रममा अनुसन्धानकर्ताहरूले अदालतलाई १० वर्षका लागि नाबालकको संस्थामा काम गर्न प्रतिबन्ध लगाउन समेत अनुरोध गरेको छ ।

जंगले आंशिक रूपमा अपराध स्वीकारेका छन्, तर उनले पीडितहरूसँगको यौन सम्बन्ध सहमतिमा भएको दाबी गरे। उनले जोड दिए कि उनका काकाओ कुराकानी कुरा प्रमाणको रूपमा स्वीकार्नु हुँदैन किनकि ती अवैध रूपमा संकलन गरिएको थियो।

“म पीडितहरूसँग माफी माग्न चाहन्छु। मैले उनीहरूलाई चोट पुर्‍याएको नहुन सक्छ। म आफ्नो मूर्खतामा गहिरो पछुतो गर्छु।” तर उनले केही आरोपहरू अस्वीकार गर्दै भने, “म नैतिक दृष्टिकोणबाट बोल्दै छु।”

२०१६को जनवरी र मार्चमा जंगलाई महिलालाई सामूहिक बलात्कारको आरोपमा पक्राउ गरिएको थियो। उनलाई च्याटरूममा आफु र धेरै महिलाको अवैध यौन भिडियो खिच्ने र साझेदारी गरेको आरोप लगाइएको थियो।

यसैबीच, के-पप केटा ब्यान्ड एफ.टी. का पूर्व सदस्य चोई जोंग-हनलाई ५ बर्षको जेल सजायको माग गरिएको छ। उनलाई मार्च २०१६मा डेगुमा जंगसँग सामूहिक बलात्कारमा भाग लिएको आशंका गरिएको छ ।

नोभेम्बर २९ मा सजाय सुनाईने छ।