कोरियन गायिका सुल्लीलाई अन्तिम विदाई

सोल– के-पप(कोरियन पप) गायिका सुल्लीलाई उनको फ्यान र साथीहरुले आज बिहान शव दफन आघि अन्तिम विदाई दिएका छन्।

२५ वर्षीया के-पप गायिका र अभिनेत्री सोमबार सोलको आफ्नै निवासमा मृत अवस्थामा उनको शव फेला परेको थियो। मृत्यु आघि उनि डिप्रेसनबाट ग्रसित भएको उनका नजिकका सहयोगीहरूले जानकारी दिएका छन्।

सुल्लीका साथीहरूले सार्वजनिक रूपमा उनको अचानक मृत्युको शोक सोशल-मिडिया मार्फत व्यक्त गरेका छन्।

त्यसैगरि धेरै कलाकारहरूले सुल्लीको मृत्युको स्मरणार्थ मनाउन सांगीतिक रिलीजहरू वा प्रदर्शनहरू रद्द वा ढिलाइ गरेका छन्।

गायिका बन्नु आगाडीनै सुल्लीले २००५मा बाल अभिनेत्रीको रूपमा डेब्यू गरेकी थिईन्।

सन् २०१३ मा हिप-हप ब्यान्ड डायनामिक डुओको चोइजासंग डेट गर्दैछिन् भन्ने अफवाह फैलिएपछि उनले वर्षौंसम्म सामाजिक संजालमा अनेकौ उत्पीडनको सामना गर्नु परेको थियो। उनले साइबर बुलिंगकै कारण आफ्नो ब्याण्डबाट एक बर्षको विश्राम समेत लिएकी थिईन्।
घृणा टिपोटहरू उनि विरुद्ध जारी रह्यो जब उनले ब्रा बिना नै आफ्नो विवादास्पद फोटो पोस्ट गरिन्।

उनी कार्यक्रम “द नाइट अफ हेट कमेन्ट्स” र उनको मृत्युको बेला फिल्म “पर्सोना २” मा अभिनय गर्न लागेकी थिईन।

उनको मृत्युले सेलिब्रेटीहरूमा साइबर बुलिंगको चिन्ता फेरि जगाएको छ।

सोमबार ब्लु हाउस चेओंग वा डाएको आधिकारिक वेबसाइटमा “चोई जिन-री कानून”नामक अनलाइन याचिका पेश गरिएको थियो जसले सामाजिक संजालहरुमा सर्बसाधारणले आफ्नो असली कानुनी नाम र पहिचानमा मात्र टिप्पणी छोड्नु पर्ने जनाएको छ।