५ बर्षमा ९८ कोरियनको हत्या

सोल-विभिन्न देशमा सन् २०१४ देखि २०१८ सम्ममा ९८ जना दक्षिण कोरियाली नागरिकको हत्या भएको यहांको बिदेश मन्त्रालयले जनाएको छ ।

विदेश मामिला र एकीकरण समिति सदस्य पार्क ब्यङ्ग सकका अनुसार हत्या गरिएका मध्ये सबैधन्दा धेरै फिलिपिन्समा ३४ जना कोरियनको हत्या गरिएको थियो ।

कोरिया हेराल्डका अनुसार सन् २०१६ जी नामक ब्यापारीको ५ जनाको समूहले निर्मम हत्या गर्यो । तर फिलिपिन्स प्रहरीले त्यसको निस्पक्ष छानबिन गर्नुको सत्ता लागु औषध करोबरिको झूटो आरोप लगाएको थियो |

जीको दाहसंस्कार गरेर शबको खरानी शौचालयमा फालिएको थियो । उल्टै उनको परिवारलाई १ लाख अमेरिकी डलर जरिवाना गरिएको थियो |

यस घटनाले दुई देश क्रोध र आघात जगायो र फिलिपिन्सका राष्ट्रपति रोड्रिगोले पीडितको परिवारसँग सार्वजनिक रुपमा माफी माग्दै दोषीलाई पूर्ण छानबिन गर्ने र कडा सजाय दिने वाचा गरे तर अझै दोषीलाई कारबाही गरिएको छैन |