कोरियामा दश जनाको हत्याराले रहस्य खोल्दै गरे अपराध स्वीकार

सोल-दशकौं पुरानो श्रृंखलाबद्ध हत्याको अपराधिले सोलको दक्षिणमा आफुले गरेको हत्याहरु स्वीकार गरेको प्रहरीले मंगलबार बताएका छन्।

१९९४ मा आफ्नी जेठानीको बलात्कार र हत्याको आरोपमा जेलमा रहेका ५६ वर्षीय अपराधि मध्य सेप्टेम्बरमा सोलको ६० किलोमिटर दक्षिण ह्वासङ्गमा नौ महिलाको हत्याराको रूपमा पहिचान गरिएको थियो।

प्रहरीका अनुसार नौ महिलाको हत्याको जिम्मा लिदै उनले आफुले त्यस समयमा अन्य तिन अपराध पनि गरेको बताएका थिए। त्यसैगरि आफ्नो जेठानीको हत्या अघि पनि दुई अन्य अपराध गरेको समेत स्वीकारेका छन्।

दुई हप्ता अघि नयाँ तथा उन्नत प्रहरी अनुसन्धान प्रविधिले उक्त हत्याराको डीएनए ह्वासङ्गका १० मृतक मध्ये ३ भन्दा शवको सबूतमा पाएपछि उक्त घटना फेरि प्रकाशमा ल्याइएको थियो। १० मध्ये एउटा हत्या भने हत्याराको देखासिखीमा गरेको साबित भएको छ।

हत्याराले आफ्नो अपराध स्वीकार गरे पनि उनलाई कारबाही नहुने प्रहरीले जानकारी दिएका छन्। यसको कारण उक्त मुद्दाको २००६ मा समाप्त भएको प्रहरीले जनाएका छन्।

त्यसबेला हजारौं अधिकारीहरू परिचालन गरिए पनि प्रहरीले हत्यारालाई चिन्न असफल भएका थिए।

समाधान नगरिएका मुद्दाहरूले २००३ को हिट चलचित्र ‘मेमोरिज अफ मर्डर’ लाई प्रेरणा दिएको हो।