कोरियामा नेताको छोरी लागुपदार्थको आरोपमा पक्राउ

सोल-दक्षिण कोरियामा एकजना पार्टी नेता तथा पूर्व सांसदको छोरी लागु पदार्थ सेवन गरेको आरोपमा पक्राउ परेकी छिन।

द हेराल्ड कर्पोरेशनको पूर्व अध्यक्ष तथा ग्रान्ड नेशनल पार्टीका पूर्व सांसद होङ्ग जोङ्ग वूककी छोरि विभिन्न अवैध लागुपदार्थको तस्करी गरेको आरोपमा पक्राऊ परेकी हुन्।

प्रहरी कार्यालयका अनुसार उनलाई इन्छन अन्तर्राष्ट्रिय विमानस्थलको भन्सार बिभागले गाँजा, एलएसडी र एडेलराल सहित सोमबार बेलुका ५:४० मा पक्राउ गरेको थियो।

१९ वर्षीया उनी हवाईको होनोलुलुबाट कोरिया फर्किरहेकी थिइन्।

प्रहरीले उनी अन्य लागूपदार्थ सम्बन्धित अपराधहरुमा संलग्न छ छैन भनेर अनुसन्धान गर्ने बताएका छन्।