जापानमा ८४ वर्षीय वृद्धद्वारा ९६ बर्षे छिमेकीको हत्या

टोकियो-ओमायामा प्रान्तको मिमासाका शहरमा एक  ८४ बर्षे वृद्धले छिमेकी ९६ बर्षीय महिलाको हत्याको गरेका छन् |

अभियोगका अनुसार किसान युकिओ कोबायाशीले अप्रिल ३ मा हिदेको मात्सुमोतोलाई टाउकोमा पटक पटक कुटपिट गरि हत्या गरेको आरोप लगाइएको छ। हत्यापछि आफ्नो घर नजिकैको सडकमा शव ढाकेर छोडेका थिए। मृतकको शव बिहान ११ बजे भेटिएको थियो।

कोबायाशीलाई प्रहरीले पहिले शव छोडेर गएको आरोपमा पक्राउ गरेको थियो। उनले मात्सुमोतो बिरामी भई सडकमा ढलेको सम्झी उनको शरीर कपडाले ढाकेको बयान दिएका थिए।

कोबायाशीले मे १३ देखि सेप्टेम्बर २४ सम्म मनोवैज्ञानिक मूल्यांकन गरेका थिए। प्रहरीका अनुसार उक्त मुल्यांकनले उनले अपराध गरेको निष्कर्ष दिएको छ।

कोबायाशीले अहिलेसम्म हत्याको कुनै उद्देश्य सार्वजनिक गरेका छैनन्।