कोरियामा पानीजहाज बिस्फोट हुँदा नौ जना घाइते

सोल-दक्षिण कोरियामा कार्गो पानी जहाजमा आगोलाग्दा ९ जना नाविकहरु घाइते भएका छन् | घाइते मध्ये एक जनालाई गम्भीर चोट लागेको यान्हाप समाचार समितिले जनाएको छ |

राजधानी सोलदेखि ४ सय किलोमिटर दक्षिण पूर्वी शहर उल्सान नजिकै रहेको बन्दरगाहमा कार्गो जहाजमा भएको आगलागीमा परि त्यहाँ रहेका नाबिकहरु घाइते भएका हुन् |

कार्गो जहाजमा आगो लागेर नौ जना नाविकहरू घाइते भए र उलसनको दक्षिणी पूर्वी बन्दरगाह शहरमा विस्फोट भएपछि अर्को जहाजमा फैलिए पनि अधिकारीहरूले शनिबार भने।

कायमन टापुबाट २५ हजार ८ सय ८१ टन पेट्रोलियम पदार्थ लिएर उल्सान बन्दरगाहमा आएको सो कार्गो आज बिहान १० बजेर ५१ मिनेटमा एक्कासी बिस्फोट भै आगलागी भएको थियो |

सो कार्गो जहाजमा २५ जना बिदेशी चालक रहेका थिए | घाइते बाहेक अरु सबैको तत्काल उद्धार गरिएको थियो |

आगलागीका कारण नजिक रहेको २१ जना यात्रु रहेको कार्गो जहाजमा समेत क्षति पुगेको कोरियाली संचार माध्यमले जनाएका छन् |

समाचार अनुसार आगलागी  हुनको कारण बारेमा अनुसन्धान भैरहेको जनाइएको छ |