दक्षिण कोरियामा आत्महत्या गर्नेको संख्या बढ्दो

सोल-दक्षिण कोरियामा आत्महत्या दर बर्षेनी बढिरहेको छ। विश्व स्वास्थ्य संगठनका अनुसार कोरियामा आत्महत्या दर विश्वको १० औं उच्च स्थानमा रहेको छ।

विश्व स्वास्थ्य संगठनको ओईसीडीका अनुसार लिथुआनियापछि कोरियामा दोस्रो उच्च आत्महत्या दर रहेको हो। सामान्य तबरले मृत्यु हुनुपछि दक्षिण कोरियामा मृत्युको चौथो उच्च कारण आत्महत्या रहेको छ।

एक अध्ययन अनुसार पछिल्लो १० बर्ष मध्ये कोरियामा २०११ मा १५ हजार ९ सय ६ जनाले सबैभन्दा बढी आत्महत्या गरेका थिए। २०१७ को बर्ष आत्महत्याको दर सबैभन्दा कम देखाएको छ। गतबर्ष भने १३ हजार ६ सय ७० ले आत्महत्या गरेका थिए।

दक्षिण कोरियामा सबैभन्दा बढी १० देखि ३९ वर्ष उमेरका मानिसहरुको मृत्युको पहिलो कारण आत्महत्या छ।

एक सरकारी प्रतिवेदन अनुसार दक्षिण कोरियालीहरु बीच आत्महत्याको पहिलो कारण बुढेसकाल देखाएको छ। दोस्रोमा काम र तनाब, तेस्रोमा शैक्षिक प्रदर्शन र भाबी भबिष्य र चौथो मा शारीरिक जटिल रोगका कारण आत्महत्याको एक कारण भएको जनाइएको छ।

यद्यपि, कोरियाली सरकारको आत्महत्या कम गर्न गरेको प्रयासले २०१४ मा प्रभावकारिता देखाएको छ, जब त्यहाँ प्रति १० लाख व्यक्तिहरुमा २७.३ प्रतिशतले आत्महत्या गरेका थिए, जुन अघिल्लो वर्ष २०१३ मा २८.५ प्रतिव्यक्ति बाट ४.१ प्रतिशत कम भएको थियो।

कोरियाली सरकारले आत्महत्या दर कम गर्न सरकारी तबरबाट अनुगमन गरि रोकथामका विभिन्न उपायहरू अबिलम्व गरेपनि आत्महत्या दर कम गर्न सफल भएको छैन।