दक्षिण कोरियामा स्वाइन फ्लु भेटियो, हाइ अलर्टमा रहन राष्ट्रपतिको निर्देशन

एजेन्सी– स्वाइन फ्लुको संक्रमण पत्ता लागेपछि दक्षिण कोरियाली सरकारले उच्च सतर्कता अपनाएको छ।

उत्तर कोरियाली सीमा क्षेत्रमा विभिन्न जनावरमा अफ्रिक स्वाइन फ्लु संक्रमण देखिएसँगै दक्षिण कोरियाली सरकार मंगबबारदेखि हाइ अलर्ट भएको प्राप्त समाचारमा बताइएको छ।

संक्रमण थप फैलन नदिन दक्षिण कोरियाली सरकारको कृषि मन्त्रालयले करिब ४ हजार सँगुर समेत मारेको छ। पूर्व सचेतनाका लागि ती सुँगुर मारिएको अधिकारीहरूको भनाइ छ।

राष्ट्रपति मुन जेइ इनले रोगको संक्रमण फैलन नदिन सम्बन्धित अधिकारीलाई निर्देशन दिइसकेका छन्। सम्बन्धि सबै निकायलाई तदारुकताका साथ रोग नियन्त्रण गर्न उनको निर्देशन छ।

उत्तर कोरियाले पनि रोग संक्रमण थप फैलन नदिन पूर्वसचेतनाका काम व्यापाक पारिएको बताएको त्यहाँका संचार माध्यमले उल्लेख गरेका छन्। गत वर्ष चीनमा देखिएको अफ्रिकन स्वाइन फ्लु मंगोलिया र भियतनामलगायत छिमेकी देशसम्म पुगको छ।

दक्षिण कोरियाका जनावरमा यो रोग देखिए पनि मानिसमा भने हालसम्म फेला परेको छैन।