कोरियन लोट्टो – २६१ अर्ब वन लट्री पुरस्कारमा परेन कसैको दाबी, अब के हुन्छ यति ठूलो रकम?

सोल- दक्षिण कोरियामा कसैले पनि दाबी नगरेको लट्री पुरस्कारको राशी २ खर्ब ६१ अर्ब कोरियाली वन बराबर पुगेको छ। यो विगत ५ वर्षयताको मात्र तथ्यांक हो।

दक्षिण कोरियाली अर्थ मन्त्रालयले शनिबार सार्वजनिक गरेको तथ्यांक अनुसार सन् २०१४ देखि २०१८ सम्ममा २ खर्ब ६१ अर्ब वनमा कसैले पनि दाबी नगरेको हो। यो विभिन्न मेला तथा लट्रीमा घोषणा गरिएको पुरस्कारको रकम हो। यो रकम २१ करोड ८० लाख अमेरिकी डलर बराबर हो।

कोरियाली सरकारले लट्री परेको रकम चाँडो दाबी गर्न समेत विजेतालाई सूचना जारी गरेको छ। उसले लट्री परेको रकम १ वर्षसम्म पनि दाबी नगरे राज्यको सामाजिक कल्याण कोषमा जम्मा हुने उल्लेख गरेको छ।

यसमा धेरैजसो हिस्सा अफलाईन कोरियामा लोकप्रिय बनेको लट्री टिकेट लोट्टोको रहेको छ। सन् २०१८ मा लट्रीमा ठूलो रकम परेको समेत मन्त्रालयले जानकारी दिएको छ। सन् २०१८ मा यसका धेरै बिक्री केन्द्र बन्द भए पनि कारोबारमा भने कमी आएको देखिएको छैन।