कोरियामा एकै परिवारका चार जना मृत फेला

सोल-दक्षिण कोरियाको थेजन सहरमा बुधवार एकै परिवारका चार सदस्यहरू मृत फेला परेको यहाको समाचार संस्थाहरुले जनाएका छन् ।

समाचार अनुसार ती चार सदस्य आफ्नै अपार्टमेन्टमा र अपार्टमेन्ट वरपर मृत अवस्थामा फेला परेका हुन् ।

परिवारको बुबाको शव अपार्टमेन्टको बाहिर फेला परेको थियो, जबकि उनकी श्रीमती र दुई बच्चाहरू घर भित्रै मृत अवस्थामा फेला परेका थिए।

बुबाको प्यान्टको खल्तीमा एउटा सुसाइड नोट भेटियोको अधिकारीहरूले जानकारी दिएका छन्। उनले अपार्टमेन्टबाट हाम फालेर सुसाइड गरेको आशंका गरिएको छ।

प्रहरीले उनीहरूको मृत्युको सही कारण पत्ता लगाउन अनुसन्धान जारी रहेको बताएको छ ।