कोरियाको जनसंख्या ५० हजार मात्रै हुने

सोल-दक्षिण कोरिया जनसंख्या लगातार घट्दै गएको छ | हालै सार्बजनिक गरिएको तथ्यांक अनुसार शिशु जन्मदर पनि लगातार घट्दै आएको छ । तथ्यांकमा शिशु जन्मदर गत बर्षको भन्दा यो बर्ष ८.७ प्रतिशतका दरले घटेको जनाइएको हो ।

तथ्यांक अनुसार गत सन २०१८ को जुन महिना सम्ममा २४ हजार ५१ शिशुको जन्म भएको थियो भने यो वर्षको जुन अन्तिमसम्ममा २६ हजार ३ सय ५७ शिशुको मात्र जन्म भएको जनाईएको छ ।

तथ्यांक अनुसार गत वर्ष कोरियाको जनसंख्या ३ लाख २६ हजार ८ सय २२ घटेको थियो । यो घट्दो संख्या सन १९७० यता कै ठूलो संख्या हो ।

तथ्यांक अनुसार सन्तान जन्माउने महिलाको संख्या घट्दै गएको छ । गत वर्षको औसतलाई हेर्ने हो भने एक जना महिलाले शिशु जन्माउने संख्या .९८ मात्र रहेको छ । अहिले कोरियामा भएको जनसंख्यालाई सन्तुलनमै एक महिलाले २ भन्दा बढी सन्तान जन्माउनु पर्दछ ।

त्यस्तै २०१७ मा यहांको प्रजननदर १.०५ प्रतिशत रहेको थियो । यो प्रजननदर आर्थिक बिकास संस्था (ओईसीडी) सदस्य राष्ट्रहरु मध्ये सबैभन्दा कम हो । ओईसीडी सदस्य राष्ट्रहरुको प्रजननदर १.६५ रहेको छ ।

यसरी नै जनसंख्या घट्दै जानेहो भने कोरियाको जनसंख्या ३ सय बर्षपछि ५० हजार जना मात्र हुने बिज्ञहरुको आंकलन रहेको छ । कोरियाको जनसंख्या दिनानुदिन घट्दै गएपछि विभिन्न निकायले चिन्ता ब्यक्त गरेका छन् ।